Җырчы Гүзәлем хастаханәгә эләккән
Җырчы Гүзәлем Инстаграм челтәренә Республика клиник йогышлы авырулар хастаханәсендә төшкән фотосурәтен урнаштырган.
Фотосурәткә ул: "Мине югалтмагыз, мин монда бер атнага. Күптән дәүләт хастаханәләрендә ятканым булмады", - дип язып куйган. Бу фотоны күргәч, күпләр "ни булды?" дип җырчы өчен борчыла башлады. Җырчы тамашачыларына социаль челтәр аша рәхмәт сүзләрен дә ирештергән.
Гүзәлем шәхси тормышындагы үзгәрешләр турында сөйләми, ләкин соңгы фотосүрәтләрендә аның йөкле булуы аермачык күренә.
Җырчыга тиз арада савыгып, исән-имин өенә кайтуын телибез!
