Җырчы Гүзәл Хәсәнова Дима Биланга мәхәббәтен аңлаткан

2017 елда "Новая фабрика звезд" телевизион музыкаль тамашасында җиңгән Гүзәл Хәсәнова үзенең инстаграмында Дима Билан белән төшкән фотосын куйган һәм "Дим, мин яратам сине" дип язган. Фотода Гүзәл Диманың муенын үбеп тора.

Әлегә Дима Гүзәлнең хисенә җавап бирмәгән. Әмма ул да инстаграмында сториста матур татар кызы Гүзәл белән төшкән фотосын куйган. Алар ТНТ телеканалы туган көненә багышланган концертта очрашканнар.

Гүзәлгә күпләр "Сез бик матур пар" дип язалар. "Дима, өйлән инде әйдә", - дип өндиләр.

Дима Билан шәхси тормышын җәмәгатьчелектән бик ны яшерә. Кем белән генә очрашмасын, ул йөргән кызларын күрсәтми. Шуңа Гүзәл белән булган мөнәсәбәтләре турында да сөйләмәс, мөгаен.