Җырчы Гөлсирень Абдуллинадан "Җылы салат" рецепты
Җырчы Гөлсирень Абдуллинадан "Җылы салат" рецептын тәкъдим итәбез. Җырчы Инстаграмда: "Тиз әзерләнә торган, бик тәмле, туклыклы, җылы салат. Ресторандагыча!" - дип язган.
Салат өчен: 300 г сыер ите, 1 аш кашыгы бәлзәмле аш серкәсе, 1 бәйләм салат яфрагы, 1 бәйләм руккола, 6-7 черри помидоры.
Тәмле булсын!
Соус: 4 аш кашыгы зәйтүн (көнбагыш) мае, 2 аш кашыгы бәлзәмле аш серкәсе, 1 бал кашыгы бал.
Сыер итен озынчага турарга, аз гынә тоз, борыч сибеп яхшылап кыздырырга һәм бәлзәмле аш серкәсе салып, 1-2 минут кыздырырга.
Калган салат яфракларын, помидорларны эре итеп турап, итне салып соус белән болгатырга.
Бәлзәмле серкә булмаса, соя соусы да ярый, тик бераз гына тәме үзгәрә.
Тәмле булсын!
