Җырчы Эльмира Гыйльфанова шикәр комы сата башлаган
Эльмира тормыш иптәше Рафил Җәләлиев белән бөтен Казанны бетереп шикәр комы эзләгән.
Җырчы Эльмира Гыйльфанова халыкның бу арада шикәр комын кырылып алуларына шаккаткан. Бу хакта ул инстаграм сторисларында сөйли.
«Казанда шикәр беткән. Беркайда да юк… Бу безнең кеше ала дип шикәр комы эзләп йөрү булмады инде. Чынлап та, кирәккәнгә алмакчы идем, әмма аны ташып бетергәннәр. Күпләп сату базарына барып, ахыргы 25 килолы капчыкны алып калырга җитештек. Күз алдына китерәсезме? 83 сум әле килограммы! Кемгә кирәк, языгыз, сатам, килосы 150 сум», — дип шаярткан ул.
