Җырчы Чәчкә күңелсез хәлгә юлыккан

Чәчкә күңелсез, шул ук вакытта кызык хәлгә юлыккан. Җырчы сәүдә үзәге бәдрәфендә бикләнеп калган. «Берәр вакыйгага очрамасам, мин Чәчкә булмас та идем. Һәрвакыт берәр кая бикләнеп калам. Айга бер-ике тапкыр була торгандыр. Әле ярый клаустрофобиям юк», — дип сөйләгән ул инстаграм сторисларында.

Җырчыны җыештыручы апалар бик каты сүккәннәр. «Әй сүгенде апалар, әй сүгенделәр. Ишеккә тимәгез дип кычкыралар», — дигән ул. Ачып чыгарганнан соң Чәчкәне танып, тынычланганнар үзләре.

Бу вакыйгадан соң бәдрәф ишегенә «эшләми» дип язып элгәннәр. «Валлаһи, бәдрәфне мин ватмадым. Нишлисең инде. Бар кеше белән дә булырга мөмкин хәл», — дип яза җырчы инстаграмда.