Җырчы Айгиз Әхмәтов песиенең йонын кыркыту өчен парикмахер чакырткан
“Аңлап бетермим бу шәһәр песиләрен” ди Айгиз үзе.
Җырчы, Фирдүс Тямаев төркемендә эшләүче Айгиз Әхмәтов песиенең йонын кыркыту өчен махсус хезмәт чакырткан. Эш барышын ул “Инстаграм”га элде.
“Дуслар, песигә парикмахер чакырттык. И китте замана! Мин үзем авыл малае буларак, аңлап бетермим бу шәһәр песиләрен. Ашарга сатып аласың, тегесе ярамый, монысы ярамый. Ә менә безнең авыл песиләре бөтен әйберне ашый иде, тычкан тоталар иде”, - дип язган ул видео астына.
Айгизнең инстадуслары бу песидән нык көнләшкән. “Безнең авыл песиләренә кая инде мондый рәхәтләр, аларның бит хәтта исемнәре дә юк, барысы да “песи” дип язганнар.
