Җырчы ANN SU TMTV премиясен тапшыру тантасы сәхнәсенә нигә яланаяк чыккан?

Җырчы ANN SU ТМТВ-2019 премиясен тапшыру сәхнәсенә яланаяк чыкты. 

Нигә икән? Бу сорауны үзенә бирдек.

- Анна, сәхнәгә яланаяк килеш чыгу идеясе кемнеке?

- Идея минеке, режиссер да каршы килмәде. Мин һәрвакыт ниндидер яңалык кертергә тырышам. Минемчә, безнең татар эстрадасында әлегә мондый күренеш юк иде.

- Салкын булмадымы соң, таймадымы?

- Юк, салкын булмады. Таймады да, рәхәтләнеп биедем.

Сүз уңаеннан, Аннадан кияүгә чыгуы турында да сорадым.

- Шәхси тормышым турында сөйләшәсем килми. Әйе, кияүгә чыктым – бары шуны гына әйтә алам, - дип җавап кайтарды җырчы.

- Татармы?

- Юк, татар түгел, ләкин аңлый, - диде Анна.