Җырчы Алсу Хәбибуллина гаиләсендә югалту
ТР атказанган артисткасы Алсу Хәбибуллина Инстаграм битендә кайгысы белән уртаклашты.
«Киттең, дәү әни… Урыннарың оҗмах түрләрендә булсын. Дәү әти янына киттең. Каберләрең киң, якты булсын. Беркайчан да онытмабыз, яратабыз. 2019 елның 24 июлендә төшерелгән соңгы фото. Елмаеп торган йөзең мәңге йөрәкләрдә сакланыр. 18 июльдә 92 тулырга тиеш иде. Синең балаларың, килен-кияүләрең, 8 оныгың һәм 10 оныкчыгың. Тыныч йокла», — дип язган җырчы.
«Кайгыгызны уртаклашам. Урыны җәннәттә булсын», «Һәрчак көләч йөзле Фатыйма апа! Урыны оҗмах түрләрендә булсын», «Авыр туфрагы җиңел булсын», — дип яза җырчының виртуаль дуслары.