Җырчы Алия Исрафилова сәхнәдәшләре турында гайбәт ишеткән: "Бу кадәр шакшыдан хәтта чүгәләдем!"
Җырчы Алия Исрафилова сәхнә артындагы икейөзлелек турында язган.
Җырчы Алия Исрафилованы икейөзлелек турында язарга Зәмирә Рәҗәпованың посты мәҗбүр иткән. Зәмирә, үзен дус санап йөрүчеләрнең аның турында гайбәт сатуларын белүе турында язган иде. Алиянең дә бүлешер сүзе җыелган икән.
"Зәмирәнең посты тормышымдагы шуңа охшаш бер вакыйганы искә төшерде. Бервакыт бер чарада мин киемемне алмаштырырга дип пәрдә артына яшерендем. Бу моментта гримеркага артист белән фотограф керделәр һәм бәйрәмне алып баручының гайбәтен сата башладылар. Нинди генә сүзләр белән атамадылар аны: рәтсез, талантсыз дип тә әйттеләр, ул үткәргән бәйгеләрне ахмак конкурслар дип атадылар, җырлавы да өч тиенлек икән, оештыруы да бернигә яраксыз... Бу кадәр шакшыдан хәтта чүгәләдем. Һәм берзаман - театр уйнаган кешеләр алмашынды: фотограф чыкты, алып баручы керде. Алып баручыны бернигә яраксыз дип сүккән артист шул арада фикерен үзгәртеп, аңа комплиментлар яудыра башлады, аны менә дигән алып баручы, шәп конкурслар алып барасың, җырларың да шәп, дип мактады. Шул мизгелдә мин пәрдә артыннан чыктым. Артистның йөзен күрсәгез! Мине күргәч, ул нәрсәдер мыгырданды, янәсе, качып тыңлап тормыйлар. Бер яктан, мин аның чын йөзе ачылуына шат. Икенче яктан, кешеләрдә алдану бик күңелсез. Ә моны белү миңа кирәк идеме соң? Белмичә, тыныч кына яшәр идем. Күп белү моңсулыкны арттыра диләр, дөрес икән", - дип язган Алия.
"Зәмирәнең посты тормышымдагы шуңа охшаш бер вакыйганы искә төшерде. Бервакыт бер чарада мин киемемне алмаштырырга дип пәрдә артына яшерендем. Бу моментта гримеркага артист белән фотограф керделәр һәм бәйрәмне алып баручының гайбәтен сата башладылар. Нинди генә сүзләр белән атамадылар аны: рәтсез, талантсыз дип тә әйттеләр, ул үткәргән бәйгеләрне ахмак конкурслар дип атадылар, җырлавы да өч тиенлек икән, оештыруы да бернигә яраксыз... Бу кадәр шакшыдан хәтта чүгәләдем. Һәм берзаман - театр уйнаган кешеләр алмашынды: фотограф чыкты, алып баручы керде. Алып баручыны бернигә яраксыз дип сүккән артист шул арада фикерен үзгәртеп, аңа комплиментлар яудыра башлады, аны менә дигән алып баручы, шәп конкурслар алып барасың, җырларың да шәп, дип мактады. Шул мизгелдә мин пәрдә артыннан чыктым. Артистның йөзен күрсәгез! Мине күргәч, ул нәрсәдер мыгырданды, янәсе, качып тыңлап тормыйлар. Бер яктан, мин аның чын йөзе ачылуына шат. Икенче яктан, кешеләрдә алдану бик күңелсез. Ә моны белү миңа кирәк идеме соң? Белмичә, тыныч кына яшәр идем. Күп белү моңсулыкны арттыра диләр, дөрес икән", - дип язган Алия.