Йошкар-Ола-Казан юлында поши аркасында ике машина йөртүче һәлак булган – фото

Бу турыда социаль челтәрләргә сылтама белән, “Татар-информ” агентлыгы хәбәр итте.

Төнге юлда трассага поши йөгереп чыккан. Казанга таба баручы “ГАЗель” йөртүчесе хайванны күреп алган. Ул туктарга маташкан. Пошидан тайпылып, каршы як полосага чыккан “ГАЗель” сөт ташучы машинага бәрелгән. Аннары ул тугызынчы модельле “Лада”га килеп кергән.



Бу һәлакәттә “ГАЗель” һәм сөт ташучы машинада утырган йөртүчеләр үлгән, диелгән әлеге хәбәрдә.