Йомырка фотосы иң күп лайк җыйган фотосурәткә әйләнгән

Гадәти йомырка фотосы Instagram да рекорд куйган - ун көндә ул 25 миллион лайк җыйган. (Хәзер 31,2 млн).

Фотография @world_record_egg аккаунтында 4 гыйнварда урнаштырылган булган. Аның астына: "Әйдәгез, булдыра алганча күбрәк лайк җыябыз да, Кайли Дженнер рекордын җиңәбез. Без булдырабыз!" дип язганнар. Ун көн эчендә бу аккаунтка 2,6 млн кеше языла (хәзергә 3,6), ә фото лайклар саны буенча моңа кадәр булган рекорддан күбрәк лайк җыя. 

Моңа кадәрге рекорд булып Америка йолдызы Кайли Дженнерның бала белән идәндә яткан фотосы (18 млн лайк) санала иде.