Йомырка ашауның нинди куркынычы бар?
Йомырканы көнгә бер данәдән артык ашау сәламәтлеккә зыянлы булуы ачыкланган.
Кытай медицина университеты галимнәре Көньяк Австралия һәм Катар университетындагы хезмәттәшләре белән бергә тикшеренү уздырган. Алар көнгә бердән артык йомырка ашау сәламәтлеккә зыянлы булуын ачыклаган. Бу турыда «Челнинские известия» хәбәр итте.
Составына йомырка кергән диетаны белгечләр 20 ел дәвамында өйрәнгән. Көнгә бердән артык йомырка ашау шикәр диабеты авыруы ихтималын 60 процентка арттыруы ачыкланган.
Тикшеренүчеләр сүзләренчә, соңгы дистә елларда Кытай халкының рационында йомырка күләме ике тапкыр арткан. Тәҗрибәләр ясаганнан соң, галимнәр шикәр авыруы ихтималының йомырка ашауга туры пропорциональ булуын күргән. Бу тенденция хатын-кызлар арасында да, ир-атлар арасында бертөрле булган, диелә хәбәрдә.