"Йомшак эчке күлмәкне киясең дә..." Илсөя Бәдретдинова интим хыялын сөйләде

Җырчы Азнакайдан Казанга кайтып килешли туган хыялы белән инстаграмда уртаклашты. Ул иң интим мизгел — сузылып ятып йоклап, ял итү турында хыяллана булса кирәк. Шулкадәр ышандырырлык итеп яза. "Укыгач, юрган астына кереп яткандай буласың", - дип яза инстачылар да.

«Баштан әзрәк тәрәзәне ачып куясың да, бүлмәне җилләтеп аласың. Аннан рәхәт җылы су белән коенып чыгасың да, биткә, кулга тәмле исле крем сөртәсең. Йомшак эчке күлмәкне киясең дә, ап-ак, чип-чиста караватка менеп ятасың. Аякларны сузып киерелеп аласың да, телевизорны сүндереп, юрганнан борынны гына чыгарып, борылып ятасың. Берәр кайчан шулай итәм мин», — дип яза Илсөя.