"Йолдызлы" туган көн: Айдар Тимербаевны туган көне белән татар эстрадасы җырчылары котлый
Күп җырлар авторы Айдар Тимербаевны дуслары, туганнары һәм хезмәттәшләре - җырчылар туган көне белән котлый.
Айдар Тимербаевны туган көне белән котлаучылар арасында Рамил Шәрәпов, Илназ Гарипов, Ризат Рамазанов, Рифат Зарипов, Зарина Хәсәншина, Ландыш Нигъмәтҗанова, Зинира Рамазанова, Вадим Захаров, Фирүзә Париж, Алинә Сафиуллина, Илсөя Бәдретдинова, Илнат Фәрхуллин кебек йолдызлар бар.
"Айдар Рифкатович, сезне туган көнегез белән чын күңелдән котлыйбыз, гаилә, бөтен төркемем исеменнән! Гел шулай бергә дус булып, матур җырлар иҗат итеп, исән-имин яшәргә насыйп итсен! Гөлнара апа белән тигез тормышта яшәргә насыйп булсын. Азат белән Булат сезне шатландырып торсыннар. Ә сез аларга кирәк булып, терәк булып яшәргә язсын!!!" - дип теләгән Рифат Зарипов.