Йоклаганда кемнәрнең сулышы күбрәк туктый: ир-атларныңмы, хатын-кызларныңмы?
Сорауга “ Ваше здоровье” нейроклиника үзәге җитәкчесе Юлия Трошина җавап бирә:
- Статистика мәгълүматлары буенча, 5-6 % халык йокы апноэсы (йоклаганда сулыш туктау) проблемасының авыр формасыннан интегә. Әлеге халәткә ир-атлар ешрак бирешә. Моңа тән авырлыгы һәм яшь тә үз көчен өсти. Гомумән алганда, 60 яшьләр тирәсендәге, таза, кан басымы һәм канда шикәр күләме югары булган ир-атлар йокы апноэсына ешрак бирешә.
