Өйдә үзенә үзе операция ясаган 90 яшьлек әби үлгән
Камалышта калган Ленинградта яшәгән Клавдия Петрова өйдә дәваланмакчы булган.
Ленинград өлкәсенең Выборг яшәүче 90 яшьлек Клавдия Петрова онкология белән авырый. Ул Ленинград камалышында да була. Ике ел элек анда яман шеш табалар. Быел ул өйдә үзенә-үзе операция ясый. Аннары әбине хастаханәгә салалар. Өч атна узгач, ул вафат була. Бу турыда «Комсомольская правда» хәбәр итте.
Башта табиблар әбидә полиплар бар дип уйлый. Аннары яман шеш булуы ачыклана, метастазлар киткән була. Аның корсак куышлыгына сыеклык җыела. Әбигә операция кирәк була, тик ул коронавирус белән авырый башлый.
Әбине ковид-госпитальгә салмакчы булалар, тик ул өйдә дәваланырга карар кыла. Ләкин сыеклык җыелу бик авырттыра һәм Клавдия Петрова үзенә-үзе операция ясый.
Ул аш-су пычагы ала һәм корсагына берничә кисем ясый. Аннары ул елый, кычкыра, бераз гына каны ага.
Шуннан соң аны хастаханәгә салалар. Клавдия Петрова 17 декабрьдә үлә.
- Планлы ярдәм кичектерелгәч, яман шеш белән авыручы әби үзенә үзе операция ясаган