Өйдә пешерелгән әфлисунлы печенье
Камырга әфлисун белән лимон кабыгы кушарга мөмкин.
Печенье камыры өчен: 200 грамм атланмай, 3 йомырка, 3/4 стакан шикәр комы, 1/3 бал кашыгы тоз, 1/3 бал кашыгы сода, 1 аш кашыгы аш серкәсе, ванилин, 2 стакан он.
Әфлисун тәме кертү өчен, бер әфлисун һәм берничә телем лимон кабыгын блендер белән ваклап кушарга була.
Камыр кашык белән алып сала торган булырга тиеш. Табаны утка куеп кыздырып алырга кирәк. Форманың ике ягын да үсемлек мае белән майларга, ике аш кашыгы камыр (форманың зурлыгына карап) салырга. Камырның ике ягы да пешсен өчен табаны әйләндерергә кирәк.
Чәйләрегез тәмле булсын!
