Өйдә гамбургер ясау тәртибе
Бүген Казанда яшәүче Гөлинә Сәлахиевадан өйдә ясалган гамбургер рецептын тәкъдим итәбез.
![Өйдә гамбургер ясау тәртибе](https://intertat.tatar/resize/shd/images/uploads/news/2017/6/4/1a36f02a5ac348855b3bf92c867ac79447b2df905764bce6fedc5a683fe6.jpg)
Гамбургерның нигезе көнҗетле (кунжут) кечкенә күмәчләр. Күмәчләрне өйдә дә пешерергә була, әмма Гөлинә ханым эшне җиңеләйтү һәм тизләтү өчен кибет күмәчләреннән ясарга тәкъдим итә.
Эчлек өчен: юка котлетлар, кыяр, помидор, майонез, кетчуп.
![](/resize/750/images/uploads/news/2019/11/17/23fd6a34bc320e817411765131105e232a3672c20b68ed500b9a75078c8e.jpg)
Эш тәртибе: фаршка суган, тоз, борыч кушып юка котлетлар ясарга һәм пешерергә, күмәчләрне икегә бүләргә, майонез, кетчуп ягарга, телемләп кыяр куярга, аннары - кәтлит, помидор. Күмәчнең икенче өлешенә шулай ук кетчуп, майонез ягып, кыяр куярга һәм күмәчләрне тоташтырырга.
![](/resize/750/images/uploads/news/2019/11/17/58c29efdc07e4466c2770ccf1ffe04c466264c81ff60a495ffe49172ad51.jpg)
Тамак ялгап алу өчен гамбургерлар әзер. балалар белән бергә өлкәннәр дә шат булачак.
![](/resize/750/images/uploads/news/2019/11/17/41113094b46fc7346b11a85133405077a104a86908ade89338e16a9a0110.jpg)