«Әйдә, бераз тиле булыйк» - Илсөя Бәдретдинова яңа җырының авторын эзли
Яңа җырның көен Айдар Тимербаев язган, ә сүзләр авторы билгесез икән.
Илсөя Бәдретдинова яңа җырын тәкъдим итте. «Кабул итеп алыгыз. Янәдән яңа җырыбыз. Бүгеннән барлык музыкаль мәйданнарда „Әйдә, бераз тиле булыйк“ җыры», — дип яза ул инстаграмдагы сәхифәсендә.
Җырның сүзләренең авторы билгесез икән. Көен Айдар Тимербаев язган. Ул җырның авторын ачыклауда ярдәм сорый. Айдар Тимербаев да: «Сүз авторы билгесез, ачыкларга ярдәм итсәгез иде», — дип сорый.
Илсөя Бәдретдинова тамашачыларыннан фикерләр көтә. «Фикерләрегезне языгыз, яме!» — ди ул.
Инстачылар җырны ошаткан. «Шәпский җыр», - дип мактыйлар.
«Илсөя ханым, өтер билгесе „әйдә“ сүзеннән соң куела дип хәтердә калган. „Әйдә, бераз тиле булыйк“. Бәйләнү түгел, әз генә дөресләп җибәрде дип кабул итегез», — дип шелтәли бел инстачы.
Илсөя бу комментка үбә торган смайлик куйган.
Тагын бер инстачы: «Юләр булыр өчен нинди акыллы булырга кирәк», — дип Клара Новикова сүзләрен искә төшергән.