Өйдә балавыз белән эпиляция ясаганда бер кыз пешеп беткән
Гади генә косметик процедура вакытында яшь хатын җитди имгәнгән.
29 гыйнварда Мәскәүнең Войковский районында 29 яшьлек Инна имгәнә (исеме үзгәртелә). Ул тәнендәге йоннарын бетерү өчен, балавыз белән эпиляция ясарга җыена. Бу турыда «Московский комсомолец» хәбәр итте.
Кыз сөйләгәнчә, ул инде күптән шундый процедураны үзе ясарга өйрәнгән. Инна өйдә үзе бик җайлы гына итеп йоннарын ала икән. Бу көнне дә ул, гадәттәгечә, микродулкынлы мичтә балавыз эретә. Аннары эрегән балавызны алып, ванна бүлмәсенә керә. Бер мизгелдә кыз абына һәм кап-кайнар балавыз аның кулына түгелә.
Инна сискәнеп куя, кулындагы савытны төшереп җибәрә, балавыз калдыклары аның аякларына ябыша. Коты алынган хатын ярдәмгә ярдәмгә чакыра, ире исе ашыгыч ярдәмгә шалтырата.
Урынга килеп җиткән табиблар Иннаны хастаханәгә алып китә, аңа беренче ярдәм күрсәтәләр. Инна хастаханәдә калмый, ул өйдә дәвалана, диелә хәбәрдә.