«Әйбәт симергәнсез коктейль эчеп торсагыз да!» Лилия Муллагалиева биюгә йөри башлаган
Хәзер ябык ботлар, ябык гәүдә модада түгел, без трендта, дип җавап биргән җырчы.
«Кызлар белән биюгә йөри башладык. Дөресрәге, бии идек элек тә, кабаттан башладык дисәм, дөрес булыр. Хатын-кыз өчен гомумән биюнең теләсә ниндие файдага гына. Без шәрык биюе биибез. Икенче баргач туры эфирга чыгармын әле, сез дә кушылырсыз безгә», — дип язган Лилия Муллагалиева.
«Молодцы. Сезгә берегезгә дә комачауламый», — дип язган бер укучы.
«Әйбәт симергән сез, коктейль эчеп торсагыз да», — дип төрттергән берсе, Лилия Муллагалиеваның челтәр маркетингта булуына ишарә итеп.
«Без әле тагын да симезрәк идек. Ничаваланып киләбез. Хәзер ябык ботлар, ябык гәүдә модада түгел, без трендта», — дип җавап биргән җырчы.
«Авылга кайтып, сыер саварга, тирес түгәргә», — дип яза тагын берсе.
«Заманында саудык, тиресен дә түктек, эшләмәгән эш калмады, без авыл кызлары», — дип җавап бирә җырчы.
«Вот атлар, боларны җигәргә була», — дигәненә ул: «Без иреккә ияләшкән, үзебез җигә алабыз», — дип җаваплаган.
«Лилия; син молодец, барысына да өлгерәсең. Киресен сукалаганнарга исегез китмәсен, көнчелектән генә ул. Барыгыз да бик матурлар», — дип күңелен күтәргәннәр җырчының.