![«Язмышка зарланмагыз...» – Ришат Төхвәтуллин авыру балалар янында җырлаган](https://intertat.tatar/resize/shd/images/uploads/news/2023/12/28/a80888242c8603f17ca59994bcaffe7f.jpg)
Ришат Төхвәтуллин Казанның Дәрвишләр бистәсендәге балалар интернат-йортына барып, Яңа ел күчтәнәчләре тапшырган. Физик мөмкинлекләре чикле балаларны үзенең чыгышы белән дә сөендергән.
«Кичә дустым Искәндәр белән балалар йортында булдык. Беләсезме, сәламәтлекнең кадерен аңлау минут эчендә килә. Язмышка зарланмагыз, биредә нинди генә язмышлы кешеләр белән очрашмыйсың… Кемдер инде күп еллар урын өстендә, кемгәдер бармагын селкетүе дә кыен», – дип яза Ришат, чарадан сторислар куеп.
Егетләр балаларны якынлашып килүче бәйрәм белән тәбрикләгән. «Безнең бирегә беренче генә килүебез түгел, алга таба да элемтәдә булырбыз», – дип ышандырган алар.