Яз җитүгә күп кеше арыганлыкка һәм еш салкын тиюгә зарлана. Моның сәбәбе D витамины җитмәүдән булырга мөмкин, дигән РИАМО врач-превентологы Вера Сережина. Бу хакта ТНВ сайты яза.
Табиб сүзләренчә, D витамины иммунитет реакциясен җайга салуда катнаша һәм организмның инфекцияләргә тотрыклылы булуына тәэсир итә. Бу витамин җитмәгәндә көчле арыганлык, эшкә сәләт кимү һәм салкын тию авыруларының озакка сузылу күзәтелә.
Кышын D витамины кабул итмәгән кешеләр аеруча бирешүчән була. Россия халкы өчен D витамины дефициты түбән инсоляция аркасында хәтта җылы чорда да актуаль.
Витамин җитмәүне лаборатор тикшеренүләр ярдәмендә генә төгәл ачыклап була. Якынча дозалар: балаларга тәүлегенә 1000 МЕ, олы кешеләргә – 2000 МЕ. Әмма витаминны югары дозаларда контрольсез эчү куркыныч: канда кальций артырга, бөердә ташлар барлыкка килергә һәм йөрәк ритмы бозылырга мөмкин.