Йокы сәламәтлек өчен дә, яхшы уку өчен дә бик мөһим, ди сомнолог Михаил Полуэктов. Бу хакта «КП» Телеграм-каналы хәбәр итә.
«Йокы укучының сәламәтлегендә зур роль башкара. Беренчедән, яхшы йокы укудагы уңышлар белән турыдан-туры бәйле. Йокы вакытында алынган мәгълүматны беркетү процесслары бара, ягъни сыйфатлы йокы яхшы уку өчен кирәк. Бу – исбатланган факт. Икенчедән, үсешнең төп процесслары йокы вакытында бара, – ди сомнолог Михаил Полуэктов. – Яхшы йокы балаларга җитди уку йөкләмәләрен күтәрергә ярдәм итә».
Мәктәп укучылары күпме йокларга тиеш:
- 6-12 яшьлек балалар – тәүлегенә 9-12 сәгать;
- 13-18 яшьлек яшүсмерләр – тәүлегенә 8-10 сәгать.
Җәй дәвамында бозылган режимны көйләү тәртибе
- Йокыга китү вакытын акрынлап 15-30 минутка күчерегез.
- Ритуал булдырыгыз. Йокларга 1 сәгать кала җиңел шөгыльләр кертегез.
- Гаджетларны алып куегыз. Экраннарның зәңгәр яктысы мелатонин эшләп чыгаруны баса.
- Эзлекле булыгыз. Режимны ял көннәрендә дә бозмагыз.
