Яшелчәле дөге белән кыздырылган горбуша балыгы
Бу ризык төрле төсләргә бай булуы белән аппетитны уята.
Ингредиентлар: дөге, кибеттән алынган яки туңдыргычта үзегез катырган яшелчәләр катнашмасы (борчак, кукуруз, кузаклы фасоль, кишер), тоз борыч, үсемлек мае.
Дөгене аерым бүрттерергә. Яшелчәләрне үсемлек маенда кыздырып алырга. Аннары икесен бергә кушып болгатырга, тоз салырга һәм 5-10 минут томалап тотарга.
Горбуша балыгын чистартырга, телемләп турарга, үсемлек маенда ике ягын да кыздырырга. Табаның капкачын каплап, 5 минут парландырып торырга.
Табынга яшелчәле дөге һәм балык телемен куеп бирергә. Яраткан кеше соя соусы салып ашый ала.