Яшел Үзәндә бер ир, аркасына пычак кадалган килеш, хастаханә коридорлары буйлап йөргән - видео
Яшел Үзәндә бер ир, аркасына пычак кадалган килеш, хастаханә коридорлары буйлап йөргән - видео
Яшел Үзән хастаханәсенә аркасына пычак кадалган ирне китергәннәр. Аның, аркасына пычак кадалган килеш, трусикчан коридор буйлап барганын видеога төшергәннәр. Видео "Казань-информ" төркемендә чыкты.
Табиблар кая баруын сорашкач, ул тәмәке тартасы килүен әйткән. Әмма табиблар, үгетләп, чыкмаска күндергәннәр һәм операция ясаганнар. Аның гомеренә куркыныч янамый, диелә.
Социаль челтәрдәгеләрне бу видео гаҗәпләндергән. Ирнең нык булуына сокланалар, ул берәр нәрсә эчкәндер дигән шик белдерәләр. Кара юмор белән язучылар бик күп. "Чын ир хастаханәгә аркасындагы пычак йокларга комачаулаганда гына бара". "Бу ирне салкын корал йөртүдә гаепләүләре бар", - дип язалар. Шулай ук "Гарык итте инде мондый алкашлар" дип гаепләүчәләре дә бар.