Яшь әти өч баласы һәм хатыны булган өйгә ут төрткән, нәни малайлар һәлак булган
Ир хатынын күрше белән хыянәт итә дип уйлаган.
Иркутск өлкәсендә яшәүче ир-ат хатыны белән талашкан. Шуннан соң ул өч баласы һәм хатыны булган өйгә ут төрткән. Бу турыда РЕН ТВ хәбәр итте.
Фаҗига 5 февральдә Тимирязев авылында була. Бу көнне ир исерек килеш йөри. Ул хатынын күршесе белән хыянәт итә дип саный. Шуңа күрә өйгә ут төртә.
2018 һәм 2020 елда туган малайлар урында ук үлә, 30 яшьлек хатынны һәм алты айлык сабыйны хастаханәгә илтәләр.
28 яшьлек ир-ат башта качмакчы була, тик аны тиз арада тоталар. Хәзер ул сак астында. Җинаять эшен тикшерү бара, диелә хәбәрдә.
Качуг районы прокуратурасы 2 һәм 4 яшьлек малай үлемен буенча эшне тикшерә, урынга район прокуроры да барган. Бу турыда Иркутск өлкәсе прокуратурасы хәбәр итте.
