Яшь кыз машина тәрәзәсеннән очып чыккан мизгел видеога эләккән

16 мартта иртә белән Новороссийск шәһәре янында юл һәлакәте булган. Бу мизгелне узып баручы машина видеорегистраторы төшереп торган. Әлеге кадрларны «Вести» каналы күрсәтте.

Авария төшерелгән видео кадрларыннан күренгәнчә, «Лада» җиңел автомобилен йөртүче кеше идарәне югалта. Машина тайгаклап китә һәм юл кырыена барып төшә. Шул мизгелдә машина салоныннан бер кыз очып чыга. Кыз, каршы як полоса аша очып барып, икенче якка юл кырыена егыла.

Ролик авторы сүзләренчә, вакыйгада катнашкан барлык кешеләр дә җиңелчә травма алган. Бәхеткә, барысы да исән калган.