Яшь хатын-кызларда йөрәк өянәге ни сәбәпле була?
Артык тирләгәндә, сулыш капканда, сәбәпсез күңел болганганда да йөрәк авыртуы булырга мөмкин.
АКШның Төньяк Каролина университетының Медицина мәктәбе кардиологлары яшь хатын-кызларда йөрәк өянәге килеп чыгу сәбәбен ачыклаган. Соңгы елларда 35 яшьтән өлкәнрәк хатын-кызларның йөрәк авыруы белән хастаханәгә яту очрагы 10 процентка арткан. Элек 21 процент булса, хәзер 31 процент булган. Ир-атларда бу динамика 30 проценттан 33 процентка җиткән. Бу турыда CNN порталына сылтама белән "Российская газета" язды.
Тикшеренү вакытында соңгы 19 елда 29 мең чамасы пациент турында тупланган мәгълүматны өйрәнгәннәр. Хатын-кызларда йөрәк авыруларының төп сәбәбе шикәр диабеты булуы ачыкланган. Аларның күбесе югары кан басымына да зарланган.
Хатын-кыз организмында йөрәк белән проблемалар булуын ачыклау җиңел эш түгел, диелгән әлеге хәбәрдә.
Америка кардиология ассоциациясе мәгълүматлары буенча, сулыш кабу, куллар, эч, арка, муен авырту, теш сызлау, тик торганда күңел болгану һәм артык тирләү дә шик уятырга тиеш.
Тикшеренү вакытында соңгы 19 елда 29 мең чамасы пациент турында тупланган мәгълүматны өйрәнгәннәр. Хатын-кызларда йөрәк авыруларының төп сәбәбе шикәр диабеты булуы ачыкланган. Аларның күбесе югары кан басымына да зарланган.
Хатын-кыз организмында йөрәк белән проблемалар булуын ачыклау җиңел эш түгел, диелгән әлеге хәбәрдә.
Америка кардиология ассоциациясе мәгълүматлары буенча, сулыш кабу, куллар, эч, арка, муен авырту, теш сызлау, тик торганда күңел болгану һәм артык тирләү дә шик уятырга тиеш.