Яшь ана туры эфир вакытында баласына сыра эчерткән
Мария сабыйга сыра файдалы дип саный.
Омск өлкәсенең Омск бистәсендә яшәүче хатын баласын ашату ысуллары белән уртаклаша. Хәзер аның традицион булмаган алымнарын прокуратура тикшерә. Бу турыда «Вести» каналы хәбәр итте.
Мария исемле яшь әни ТикТокта туры эфир вакытында сигез айлык кызына сыра эчертә, «бу файдалы» дип сөйли ул.
Мария эфирга иптәш кызы Анастасия белән чыга. Анастасия тиздән күп балалы ана булачак. Алар өч бала белән бер фатирга җыелып ТикТикхаус ясаган. Тамашачылар бу хатынның нәни баланы сыра белән сыйлавына ачуланган, берсе күзәтчелек органына хәбәр иткән.
Шуннан соң өлкә прокуратурасы тикшерү башлаган, опека органнары һәм өлкәдә балалар хокуклары буенча омбудсмен Елизавета Степкина җәлеп ителгән.
«Омск районының опека органы белгечләре бу хатыннар янына барачак, балаларны тәрбияләү шартларын тикшерәчәкләр. Әлеге очракның сәбәпләре ачыклана», — дип әйткән Степкина.