Башкортстанда яшен сукканнан соң, ике катлы өй яна башлаган. Бу турыда «Башинформ» хәбәр итте.
Белорет районының Тирлән авылындагы фаҗига турында Республиканың Гадәттән тыш хәлләр буенча дәүләт комитеты сөйләгән. Якынча белешмә буенча, яшен өйгә суккан.
Урынга янгын сүндерүчеләр барды. Зыян күрүче һәм имгәнүче кешеләр юк, дигәннәр ведомствода.
Башкортстан буенча Гадәттән тыш хәлләр министрлыгы белешмәсе буенча, республикада куркыныч метеорологик күренешләр булуы фаразлана, урыны белән гадәттән тыш янгын чыгу куркынычы бар, шулай ук көчле яңгырлар, аерым районнарда яшен, җил тизлеге 15-20 м/с булуы көтелә, диелә хәбәрдә.