![Яшь ир хатынын урманда агачка бәйләп калдырган](https://intertat.tatar/resize/shd/images/uploads/news/2023/12/3/25146939e94c2f129e192a6575064941.jpg)
Кузбасста яшәүче ир-ат элеккеге хатынын урманда агачка бәйләп калдырган. 25 яшьлек бу ир-ат тоткарланган. Бу турыда «Комсомольская правда» Россия Тикшерү комитетының Кемерово өлкәсе буенча Тикшерү идарәсенә сылтама белән хәбәр итте.
25 яшьлек ир-ат моны гап-гади үпкәдән эшли. Әлеге кешеләр ир белән хатын була, тик аннары «мәхәббәт көймәсе комга терәлә», ЗАГС һәм аерылышу белән тәмамлана. Аерылышуны 27 яшьлек хатын тәкъдим итә. Ир-ат исә элеккеге рәхәт тормыш бетүен аңлый, диелә хәбәрдә.
Шуннан соң ир-ат элеккеге хатыны белән сөйләшеп, барысын да яңадан башламакчы була. Ул хатыны янына килә, сөйләшергә дип, шәһәр читенә алып китә. Имеш, урманда романтик сәяхәт хатынның күңелен эретәчәк.
Ләкин эш барып чыкмый, хатын кабат ире белән торудан баш тарта. Бөтен ялваруга «юк» дип җавап бирә. Ир ярсый, хатыны агачка скотч белән бәйләп куя, үзе машинага утырып китеп бара.
Кайтышлый ул «суына», хатынны алырга ярты сәгатьтән кире әйләнеп килә. Ләкин 30 минут ялгызы агачка бәйләнгән килеш торган хатын ирен гафу итми. Ир аны өе янында машинадан төшереп калдыруга ук, хокук саклау органнарына мөрәҗәгать итә, гариза яза.
Сорау алганда, ир-ат барысын да сөйләп бирә. Тикшерү бара, диелә хәбәрдә.