Җырчы, яшь әни Алия Карачурина-Төхвәтуллина салкын тидергән. Бу хакта ул социаль челтәрдәге сәхифәсендә хәбәр итә.
«Сәлам сезгә! Мин авырып киттем. Юлда кондиционер аякка бәрде, соң гына сизеп алдым. Кичә бөтенләй хәлем булмады. Бүген безгә минем әни килде, чөнки температура белән Алимны карарга бик авыр. Миңа Ришат булыша инде, әмма аңа җырлар эшләргә кирәк», – дип белдергән җырчы.
Алия Төхвәтуллина элек яшь әниләрнең якыннарыннан ярдәм сорарга оялавына аптырый торган булган. «Бу хакта бик күп видеолар карадым, китаплар укыдым, кемгәдер ярдәм сорау – «бу гадәти хәл бит» дип әйткәнем дә хәтердә. Хәзер үзем шулай. Миңа еш ярдәм сорарга уңайсыз. Ришат белән караучы вариантын карамыйбыз, якыннарыбызга гына ышанабыз. Әмма миңа кемнәндер кабат ярдәм сорап, кешене туйдырам, борчыйм кебек, әмма шул ук вакытта ярдәм сорау – нормаль күренеш икәнен дә аңлыйм», – дип яза җырчы.
Җырчыга тизрәк савыгуын теләп калабыз!
