Ярымшәрә кыз фото ясарга маташканда кыядан егылып төшеп үлгән
Тау түбәсендә бикинидан фотога төшеп танылган блогер кыз тарлавыкка төшеп киткән.
Тайванда Юйшань тауларына менгәндә 36 яшьлек блогер У Цзиюнь һәлак булган. Ул тау түбәләрендә купальниктан гына төшкән фотолары белән танылган. Бу турыда ТАСС агентлыгы хәбәр итте.
У Цзиюнь 30 метр биеклектән тау тарлавыгына егылып төшкән. Шуннан соң иярченле телефон аша коткаручыларга хәбәр иткән. Үзе мөстәкыйль хәрәкәтләнә алмаган. Һава торышы начар булу сәбәпле, коткаручылар вертолетта оча алмаган. Алар кыз янына ике тәүлектән соң гына җәяү барып җиткән. Бу вакытта У Цзиюнь өшеп үлгән булган.
У Цзиюнь Facebook челтәрендә фотолар куеп таныла. Ул тау түбәләренә, та битләренә менеп, бикинидан гына сурәт ясый һәм социаль челтәргә куя. Дүрт ел эчендә төрле маршрутлар буенча йөзләп тауга менә. Һөнәри альпинист булмый.
Җирле хакимият вәкилләре әйткәнчә, турист хатын Юйшань тауларына менәр өчен рөхсәт алмаган. Бу тауның биеклеге диңгез өслегеннән 3952 метр.