Ярдәм сораган әти кешене олы улы кыйнап үтергән
Яр Чаллы шәһәрендә 17 комплексның бер йортында кичке аш фаҗигале рәвештә тәмамлана. Бу хакта "Челнинские известия" газетасы яза.
"Челнинские известия" газетасы ачыклаганча, 4 октябрь кичендә абый-энеле бертуганнар кухняда кичке аш ашыйлар,аракы эчәләр. Өлкән яшьтәге, авыру әтиләренә ярдәм кирәк була. Бу кече улының ачуын чыгара һәм ул йодрыклары белән әтисенә ташлана. Бу хәлдән соң туганнар, берни булмагандай, кичке ашны ашуларын дәвам итәләр.
Бары тик берничә сәгатьтән соң гына алар, 69 яшьлек әтиләренең үлгәнен ачыклыйлыр. Ир-атлар фатирда өчәү яши, әниләре җәен вафат була.
Хәзерге вакытта, төзүче булып эшләүче, 33 яшьлек Яр Чаллы кешесе кулга алынган. Ул гаебен танып, күрсәтмә биргән. Әлеге факт буенча җинаять эше ачылган.
