Яраткан кешеңне көнләсәң нишләргә?
Сорауга Татарстанның атказанган табибы, психотерапевт Гомәр Зыятдинов җавап бирә.
Яраткан кызымны теләсә кемгә көнлим: дусларыма, коллегаларга, күршеләргә, кондукторларга һәм ата-анасына да. Бу көнләшү агрессия дәрәҗәсенә дә җитә. Шуңа күрә кызыма да авыр икәнен беләм, хаксыз түгеллегемне дә аңлыйм, әмма үзем белән берни дә эшли алмыйм.
Психотерапевт Гомәр Зыятдинов:- Бу егетнең проблемасы үзендә. Ул үзен булдыксызга саный һәм шуны кешегә күчерә, ачуын баса. Ул үзен алдарлар, ташларлар дигән курку белән яши. Бу очракта егеткә киңәшем: ул кызны яратамы ул юкмы? Ярата икән, аның белән утырышып сөйләшергә, бу проблеманы чишү юлларын бергә табарга кирәк. Әгәр икесе генә чишелешне таба алмаса, бергә психолог яки психотерапевтка килеп, әлеге проблеманы бергә чишеп карарга дип әйтер идем.
***
Хөрмәтле укучыларыбыз! Әгәр сезнең белгечләргә, артистларга, журналистларга сорауларыгыз булса, безнең Ватсапка языгыз: +79270379110 Без тиз арада сезнең сорауга җавап табарга тырышырбыз. Теләсә кайсы темага сораулар кабул итәбез.