Яран гөлләр өчен гади, әмма шәп ашлама киңәшләр сайтында чыкты. Бер чеметем суга өстәсәң, бөреләр шаулап чәчәк ата, дип ышандыра оста бакчачылар.
Пеларгония халыкта еш кына яран гөл дип атала. Ул балконнарны, тәрәзә төпләрен, бакчаның почмакларын матурлау өчен бик кулай.
Ләкин чын-чынлап күп һәм озак чәчәк атуы өчен, үсемлеккә дөрес туклану кирәк. Белгечләр калий монофосфатын (KH₂PO₄) кулланырга киңәш итә – бу ашлама бөреләрнең формалашуын тизләтә һәм чәчәк ату чорын озайта. Әлеге ашлама кибетләрдә сатыла.
Нигә нәкъ менә калий монофосфаты?
- Калий чәчәкләрнең төсе ачык булсын, бөреләр күп формалашсын өчен кирәк. Фосфор тамыр системасын ныгыта, гөлнең үзен дә чыдамлырак итә.
Бу ашлама:
- җиңел үзләштерелә;
- туфракта җыелып тормый;
- дөрес кулланганда тамырларны яндырмый.
Пеларгонияне ничек ашларга?
- Эремә ясау өчен 1 чәй кашыгы монофосфатны 5 литр суга салып эретергә.
- Су бүлмә температурасында булсын.
Кайчан ашларга?
- Бөреләр күренә башлагач, ашлауны башларга кирәк.
- Чәчәк ату чоры дәвамында – 2-3 атнага 1 тапкыр кабатларга мөмкин.
Ничек сибәргә?
- Турыдан-туры тамырларга гына сибәргә, чөнки пеларгониянең тамыр системасы киң җәелгән.
- Ашлама бөтен туфракка тигез таралсын.
- Яфракларга тимәсен, чөнки бу – яфракларны яндырырга мөмкин.
Өстәмә тәрбия өчен киңәшләр
- Яктылык – яран гөл якты, ләкин кояш нурлары туры төшми торган урынны ярата. Яктылык җитмәсә, чәчәкләр азрак булачак.
- Су сибү – артык чылатмаска. Яран гөл сусызлыкка түземлерәк, артык дым начар йогынты ясый.
- Кисеп тору – чәчәкләре шиңгәч, аларны вакытында алып тору яңа бөреләр барлыкка килүгә этәрә.
Нәтиҗә
Дөрес ашланган пеларгония:
- күбрәк бөре ясый;
- озаграк һәм ачыграк чәчәк ата;
- салкын, авырулар кебек стрессларга ныграк чыдый.
5 литр суга 1 чәй кашыгы монофосфат – һәм сезнең яран гөл чәчәккә күмеләчәк, ди бакчачылар.
