Ярамир Низаметдиновның улы туган!
Опера җырчысы Ярамир Низаметдиновның бу көннәрдә шатлыклы хәбәре бар - аның улы дөньяга килгән. Бу турыда ул Инстаграм битендә язган.
«Кадерлем! Улыбыз өчен рәхмәт! Бу минем тормышымда иң кыйммәтле бүләк! Мин сезне үлеп яратам! Сез минем тормышым!
Дуслар! Котлауларыгыз һәм җылы теләкләрегез өчен зур рәхмәт сезгә!» — дип язган Ярамир Низаметдинов.
«Исәнлек — саулык сезгә, татарлыгыгызны онытмагыз, горур бул, улым», «сау-сәламәт булып үстерергә насыйп булсын», «Бәхетле бала булсын. Тигезлектә үстерегез», — дип язган подписчиклар.