Бүген Дубайда Сабантуй узган. Анда Татарстанның халык һәм атказанган артистлары чыгыш ясый. Сабантуйдан видеолар «Вести Татарстан» сайтында чыкты.
Дубайда көчле яңгырлар, су басулар булу сәбәпле, Сабантуйны үткәрү куркыныч астында иде. Бүген җирле халыкка чыгышлар, милли ризыклар тәкъдим ителгән. Шулай ук көрәш тә узган.
Дубайда яшәүче татарлар социаль челтәрләрендә Сабантуйдан видеолар урнаштыра. Бәйрәмгә 2 меңгә якын кеше җыелган.
