Янгында ике бала һәлак булган, бер бала имгәнгән
Мәскәү янындагы Егорьевскида булган фаҗига турында федераль каналлар хәбәр итте.
Егорьевскида янгында ике нәни бала үлгән, бер бала имгәнгән дип Мәскәү өлкәсе буенча Тикшерү комитеты вәкиле ТАСС агентылыгына әйткән.
"29 апрельдә Егорьевскида йортның икенче катындагы фатирда янгын чыккан. Янгын сүндерүчеләр ике бала мәетен тапкан, өченче баланы аңсыз килеш хастаханәгә озатканнар", дип язылган агентлык хәбәрендә.
Фаҗига урынында криминалистлар, тикшерүчеләр, янгын сүндерүчеләр эшләгән.
Һәлак булган балаларның ата-аналары турында мәгълүмат ачыкланган. Якын арада алардан сорау алачаклар.
Җинаять эше ачылган.