Россиядә сәүдә челтәрләренең сатып алучыларны алдап баерга теләве белән радикаль рәвештә көрәшә башлаячаклар. Дәүләт Думасына кертеләчәк яңа закон проекты нигезендә, кибеттәге товарның чын бәясе киштәдә язылган бәядән аерылган очракта, товарны сатып алучыга бушлай бирергә тиеш булачаклар. Бу хакта «Рен-ТВ» хәбәр итә.
Инициативаны «Гадел чек» дип атарга булганнар. Әлеге чара сәүдә итү процессын үтә күренмәле итәчәк, дип көтелә.
Продуктның бәясе сатучы өчен штраф булачак, дияргә була. Шул ук вакытта кибетләрдә еш була торган конфликтлар саны да кимергә тиеш, диелә хәбәрдә.