Яңа уку елында университетлар беренче курста белем алу бәясен арттырмаячак. Бу турыда ТАСС агентлыгы Россия мәгариф министры урынбасары Дмитрий Афанасьевка сылтама белән яза.
Министрлык беренче курска кабул итү бәясен билгеләү буенча бердәм позиция булдыру турында Россия Ректорлар союзына мөрәҗәгать иткән.
Афанасьев ректорларга 2022-2023 уку елында бәяне былтыргы дәрәҗәдә калдыру карары өчен рәхмәт белдерә.
Икенче һәм югары курс студентлары өчен бәяләр артуы ихтимал, тик инфляция дәрәҗәсеннән артык түгел, диелә хәбәрдә.
