Мәскәү хирурглары яңа туган сабыйның бавырында үскән кистаны алганнар. Шеш алтыга өч сантиметр чамасы зурлыкта булган. Бу турыда РЕН ТВ Мәскәү өлкәсенең Сәламәтлек саклау министрлыгына сылтама белән хәбәр итте.
Кистаны бала ана карынында булганда ук ачыклыйлар. Аннары әни кеше баланы тудыра, һәм шуннан соң табиблар сабыйга операция ясый.
Хирурглар бу эшкә сабыйга 7 көн булганда алына.
«Шеш бер киста булуы, аңа тагын бер кечкенә киста ябышып үсүе ачыкланды. Бу гади шеш – бавыр лимфангиомасы иде. Операция микротишемнәр аша ясалды. Аның эзләре күренми диярлек», – дигән яңа туган сабыйлар хирургиясе бүлеге җитәкчесе Михаил Рехвиашвили.
Хәзер сабыйны өенә кайтарып җибәргәннәр, аны хәле яхшы, диелә хәбәрдә.