Башкортстанның Тәтешле районы Яңа Кайпан авылында 86 яшьлек ир-ат һәм 85 яшьлек хатын-кыз янгында һәлак булган. Бу хакта NewBash сайты яза.
Янгын иртәнге 4тә чыккан. Янгын сүндерүчеләр килгәнче, верандалы бүрәнә йорты тулысынча ут камап алган була.
Янгын сүндерүдә 11 кеше һәм 4 берәмлек техника катнашкан.
Кызганыч, янгында өлкән яшьтәге парның гомере өзелгән. Утны сүндергәч, аларның мәетләрен хәрабәләр арасыннан табып алалар.
Фото: © Россия Гадәттән тыш хәлләр министрлыгы / NewBash сайты
«Яныкча ачыкланганча, ут верандадан чыга, шулай итеп, картлар өйдән чыга алмый кала», – дип хәбәр иткәннәр Башкортстанның Гадәттән тыш хәлләр министрлыгында.
Хәзер янгын урынында оператив тикшерү төркеме эшли. Белгечләр ут чыгуның төгәл сәбәбен ачыклый.
