Яңа ел алдыннан артык авырлыкны киметү өчен рационнан тозны алып ташларга яисә киметергә була. Шулай ук күбрәк су эчәргә киңәш ителә. Бу – метаболизм процессларының тизлеген саклау өчен бик кирәк. Бу хакта диетолог Маргарита Королева сөйләде, дип яза «Российская газета».
Кич белән 19 сәгатьтән соң ашамагыз һәм вакытында йокларга ятарга тырышыгыз, дип киңәш итә диетолог.
Диетолог көненә 3-5 тапкыр ашау дөрес дип саный. Бер ашаганда ризык күләме бер стаканга сыя торган булырга тиеш, ягъни 250дән 300 млга кадәр.
Диетолог Яңа ел өстәле янына ач килеш килеп утырырга киңәш итми. Шулай ук, ач килеш, шампан шәрабе дә эчәргә ярамый, ди ул.