Яңа дуэт – Альберт Вәлиуллин белән Гөлназ Асаеваның җыры музыкаль мәйданчыкларга чыкты
Татар эстрадасында яңа дуэт – Альберт Вәлиуллин һәм Гөлназ Асаева тамашачы мәхәббәтен яулады. Аларның «Онытылмас җыр булып» премьерасы музыкаль мәйданчыкларга чыкты.
Җырның сүзләрен Алинә Хисамиева язган, ә көен Риваль Хисмәтуллин иҗат иткән.
«Көтелмәгән һәм һәрберебезнең күңеленә ятачак дуэт музыкаль мәйданчыкларда», – дип хәбәр итә Казанда беренче концертын куйган һәм кыска вакытта тамашачы яратып өлгергән Альберт Вәлиуллин.
«Бик матур җыр, каз тәне чыкты»;
«Ниһаять, яңа дуэт, искиткеч тавыш һәм күңелгә ятарлык матур җыр»;
«Вау!»;
«Көчле тавыш»;
«Афәрин! Бик матур дуэт», – дип хуплап алганнар дуэтны.
«Гөлназның карашы – бомба, ире көнләмиме икән? Әйдә, ирең белән дә дуэт җырла», – дигән тәкъдим дә бар.
