Башкортстанда 7 яшьлек кыз суда батып үлгән. Бу турыда Тикшерү комитетына сылтама белән «Башинформ» хәбәр итте.
Көергәзе районында Тугустемир елгасында кыз бала мәете табылган. Бала Ямангол авылында яши.
Ул 10 яшьлек абыйсы белән елга янына килә. Бер мизгелдә аягы таеп китә дә, кыз суга егылып төшә.
Сабыйның мәетен эзләүдә коткаручылар һәм авыл халкы катнаша. Баланы фаҗига булган урыннан 100 метр ераклыкта табалар.
Тикшерү эшләре бара, диелә хәбәрдә.
