Яман шешне булдырмас өчен нәрсә ашарга кирәк?
Диетолог анарның (гранат) файдасы турында сөйләде.
Диетолог Антонина Стародубова "Мәскәү" яңалыклар агентлыгына онкология, йөрәк һәм аутоиммун авыруларын булдырмас өчен анарның (гранат) файдасы турында сөйләгән. Бу хакта "РИА Новости" яза.
"Бу гаять файдалы җиләк-җимеш санала. Ул ялкынсынуны булдырмый, сидек кудыру, антисептик үзлекләргә ия", - дип сөйләде табиб.
"Анарда В1, В2, B6, С витаминнары, шулай ук пантотен һәм фолий кислоталары бар. Алар барысы да нерв системасы эшенә ярдәм итә", - ди табиб.
"Гранатны даими куллану онкологик, йөрәк һәм аутоиммун авыруларын профилактикалауга ярдәм итә. Гранатны аерым ашарга яки салатларга, яшелчә, ит һәм кош ите янына өстәргә була", - ди табиб.