Яман шеш белән көрәшүче хоккейчы Родион Әмиров җанатарларына мөрәҗәгать итте
«Салават Юлаев» клубының 20 яшьлек спортчысы җитди авырый.
Уфаның «Салават Юлаев» хоккей клубы форварды, 20 яшьлек Родион Әмиров яман шеш белән көрәшә. «Җиңү якын», — дип мөрәҗәгать итте ул җанатарларына инстаграмда.
Родион аларга рәхмәт белдерә.
«Барыгызга да зур рәхмәт. Кичә минем директны „шартлаттыгыз“, мин моны көтмәгән идем, чыннан да. Әйе, хәзер җиңел вакыт түгел. Ләкин мин җиңү якын булуына ышанам», — дип яза ул.
Хәзерге вакытта Әмиров Германиядә дәвалана.
- Хоккейчы Родион Әмировның баш миендә яман шеш табылган, дип язган идек.
