Татарстан синоптиклары алдагы ялларга тагын кар фаразлый.
Шимбә, 27 гыйнварда, республикада кар, җиңелчә буран көтелә. Төнлә температура -8..-13 градус, көндез -4.. -9 градус фаразлана.
28 гыйнварда, якшәмбе көнне, республика түбән атмосфера басымы кырында була. Болытлы көн, бераз кар көтелә. Төнлә һава температурасы -9..-14 градус, аязганда -18 градус, көндез -4..-9 градус була.
Якынча фаразлар буенча, 29-30 гыйнварда бурансыз һава торышы, төнлә -9..-14 градус, көндез -3..-8 градус була. Урыны белән кар явачак, дип яза «Челнинские известия».